Os animais de compañía, como os cans, fai tempo que se incorporaron á normalidade das nosas cidades, desfrutando moitos e moitas da súa compañía e eles da nosa.
Isto ninguén o poñería en dúbida, pero as institucións parecen ir anos por detrás, e mostra disto era o Concello de Lugo que coa «Ordenanza Cívica» quería multarnos con ata 750 euros por dar de beber nas fontes aos nosos compañeiros. Isto en pleno verán e olas de calor (por sorte paramos a ordenanza).
Lugo Sen Mordazas naceu un 15 de Maio de 2018 ao calor de máis de 30 colectivos sociais, culturais e políticos (tamén individualidades) como forma de resposta ao goberno local do PSOE, no seu intento de impoñer en Lugo unha “Ordenanza Cívica” co apoio do Partido Popular e Ciudadanos, rebautizada como “Ordenanza Mordaza”, polas súas similitudes á Lei Mordaza aprobada polo Partido Popular en 2015.
Esta ordenanza pretendía restrinxir o uso do espazo público, estigmatizar e perseguir aos sectores máis vulnerables e censurar a actividade dos movementos sociais e políticos a través da represión e as multas administrativas, outorgándolle un poder totalmente arbitrario á policía local.
I Xornadas: Tecendo comunidade: alternativas e loita social fronte á represión e privatización.
Os vindeiros Sábados 24 de Novembro e 1 de Decembro terá lugar o primeiro ciclo de xornadas de Lugo Sen Mordazas, un espazo de debate e reflexión onde se abordarán diferentes cuestións que xirarán ao redor de que modelo de cidade queremos construír, partindo da necesidade de tecer un novo modelo de comunidade a través da transformación social. Para estas xornadas contaremos con persoas da nosa cidade, ademais de poñentes e colectivos que achegarán o seu punto de vista dende diferentes puntos xeográficos, palpando outras realidades.
Hoxe ocupamos de novo o Pleno. Desta vez para rexeitar o intento do PP de continuar coa Ordenanza Mordaza.
Dende Lugo Sen Mordazas vimos de concentrarnos ante o Concello para lembrarlle ó goberno local que seguimos organizadas e expectantes ante calquera intento de impoñer mordazas á cidade de Lugo. O PP levou hoxe ó pleno a proposta de continuar a tramitación da “ordenanza cívica” presentada polo Concello hai seis meses e que contaba co apoio de Cs. A alcaldesa declarou o 10 de outubro, dúas semanas despois da manifestación convocada por Lugo Sen Mordazas, a retirada do proxecto de ordenanza. Tanto PSOE como C’s votaron en contra (o voto a favor dun deles e a abstención do outro abondaría para que a tramitación seguise adiante), poñendo fin, cando menos durante esta lexislatura, ó proxecto de aprobar unha ordenanza de corte represor e excluínte.
Esiximos garantías formais da retirada da «Ordenanza Mordaza», que ata agora consideramos puramente virtual.
Dende a Plataforma Lugo Sen Mordazas consideramos insuficientes as declaracións da alcaldesa en resposta ás preguntas dun xornalista nas que afirmou que a Ordenanza de Civismo quedaba aparcada por falta de consenso e esiximos un comunicado oficial do goberno anunciando a retirada desta normativa no mesmo lugar no que se presentou, a Mesa de Traballo conformada polos voceiros de tódolos grupos municipais. Non se pode considerar efectiva a marcha atrás do goberno local se non foron informados nin o resto dos grupos políticos que forman a corporación nin a sociedade polas canles formais que corresponden a unha rexedora municipal, polo que estamos simplemente ante unha retirada virtual e non real. A alcaldesa ten acostumada á cidadanía a declaracións de intencións que deron lugar a grandes titulares na prensa e que despois non se teñen levado a cabo, polo que as súas palabras carecen de valor para as persoas integrantes desta Plataforma, que agardamos feitos que confirmen que non se seguirá adiante con este texto normativo represivo e excluínte, tanto no contido do seu articulado concreto como no seu espírito e obxectivos que persegue.
Esta fin de semana coñeciamos a anécdota do sucedido na Praza do Campo, cando dúas persoas subíronse á fonte de San Vicente a bailar nun contexto de festa (e «excesos»).
Fragmento do vídeo
Somos coñecedores e coñecedoras da proposta da Asociación Lugo Monumental e Partido Popular da instalación masivas de cámaras de videovixianza no casco histórico.
Dende Lugo Sen Mordazas, como non podía ser doutro xeito, sumámonos ao San Froilán Asociativo ’18!
Un San Froilán Asociativo que colectivos e asociacións de Lugo levan xuntándose por 7º ano consecutivo:
Estamos en Festas, as nosas festas de toda a vida, as do San Froilán que deben ter cerca de 270 anos! As festas nas que a xente de toda a provincia viña a comerciar no Campo da Feira, mais tamén e de paso, a divertirse, a bailar, a comer polbo.
A música e a cultura local van da man dun Lugo sen mordazas. Mostra diso dará o grupo Conducto Coloquio que volverá o Xoves 4 de Outubro ao Club Clavicémbalo cun concerto especial para amosar o seu apoio á plataforma porque «queren unha cidade onde non se criminalice a cultura nin a pobreza».
Será unha noite especial, pois ademais estarán acompañados pola gran voz de Mar López Alvariño.
Todo o recadado coa venda de entradas será doado a Lugo Sen Mordazas, así que acode para pasar un bo anaco, desfrutar da boa música dos compañeiros e colaborar coa causa!
Entrada:
Anticipada: 4€ (punto de venda: Ho Gruf)
Taquilla: 5€
A manifestación convocada por Lugo Sen Mordazas contra a «Ordenanza de Civismo e Seguridade» foi un claro éxito, materializada nunha masiva mobilización, levando a tomar a rúa a un número de xente que non se recordaba en anos a nivel local, deixando aparte datas clave e simbólicas como o 8M Feminista. Todo a pesar do boicot dos medios tradicionais e a censura e represión por parte do Concello (PSOE), mostrando a plataforma unha gran forza e acción contra a Ordenanza Mordaza.
Vídeo resumo da manifestación (Fotografías no seguinte link).
Comunicado completo
Unha vez máis a veciñanza de Lugo sae á rúa para restituír o espazo público como un ben e dereito propio e de todas, e defender que o seu uso non é perigoso nin delitivo, como pretenden facer crer a unha parte da cidadanía determinados grupos políticos conservadores e lobbies empresariais. Máis ben ao contrario, o seu uso é enriquecedor, festivo, reivindicativo, comunitario, solidario, que fai medrar a nosa cidade dende o chan ata o ceo, sen que os muros de formigón nin os de pedra da nosa muralla, nos constrinxan e nos dividan. Continuar leyendo «Multitudinaria manifestación no 26S contra a Ordenanza Mordaza»
Ante os escándalos urbanísticos e a podredume da mediocre clase política materializada na nosa cidade no goberno do PSOE, dende Lugo Sen Mordazas temos claro que imos a reaccionar. Imos sempre a reaccionar ante o clasismo e a escandalosa corrupción vixente na que se estrutura, coma momento previo á caída de todo Imperio, o Concello e toda a súa política.
En base a esas liñas entendemos que o edificio de O Garañón é o estandarte e símbolo da barbarie por excelencia da cidade. Un lugar onde se aglutinan moitas das problemáticas dun Concello decadente, cheo de amiguismos e inmoral.
