#NinguénInvisibleEnLugo, denuncia contra a pobreza

Lugo é a terceira cidade do Estado na que máis porcentaxe de vivendas baleiras hai e tan só conta con un albergue malchamado “Fogar do Transeúnte” de 16 prazas para homes e 4 para mulleres para dar aloxamento en situacións de emerxencia a 20 persoas en total, que deben cruzar a cidade para recoller o seu bono na Comisaría da Policía Local para poder pernoitar e comer no dispositivo. A estadía máxima é de tres días ao mes, tempo no que ningunha persoa pode procurar un teito baixo o que resgardarse, agás o dun caixeiro automático ou soportal. Apenas dous pisos de emerxencia e, con sorte, o pago de quince días nun motel da cidade, se se cumpren os criterios da traballadora social de zona, que por moito que queira, non pode ofrecer nada máis, cunha axenda programada para oito usuarias por mañá, nuns Servizos Sociais municipais insuficientes e colapsados.

Continue reading «#NinguénInvisibleEnLugo, denuncia contra a pobreza»

Alternativa aos locais baleiros das Institucións: un centro social autoxestionado

Diversos colectivos e asociacións de Lugo, co movemento social “Lugo Sen Mordazas” como nexo de unión e aglutinador de sinerxias, que estas individualidades e colectivos levan tempo procurando nos eidos cultural e social neste cidade, andamos na procura dun novidoso proxecto que sería de interese público para a nosa vila: a construcción dun centro social e cultural autoxestionado.

Continue reading «Alternativa aos locais baleiros das Institucións: un centro social autoxestionado»

Comunicado perante á entrega de medallas a exalcaldes de Lugo

O presente manifesto está elaborado conxuntamente por distintas asociacións culturais e colectivos sociais do municipio de Lugo para amosar o seu rexeitamento contra a entrega de medallas de ouro aos alcaldes que tivo a cidade dende a Transición, por incluir entre esas condecoracións municipais a rexedores que se atopan investigados por corrupción ou que foron condenados de xeito firme.
Continue reading «Comunicado perante á entrega de medallas a exalcaldes de Lugo»

Caudal Fest: 310.000€ agasallados a dedo a mans privadas

caudal fest 2019 lugo
  • O Concello de Lugo agasallará con 310.970 euros á unha UTE (Unión Temporal de Empresas privadas)
  • Bring The Noise é a principal organizadora xunto a EsmerArte, que en 2018 recibiron 2’5 millóns de euros a dedo por parte da Xunta de Galicia.
  • A fórmula escollida este ano é a do patrocinio, que implica máis opacidade que a fórmula de 2018, que foi unha subvención.

Continue reading «Caudal Fest: 310.000€ agasallados a dedo a mans privadas»

Instalamos bebedoiros para a convivencia cos animais fronte ás multas

bebedoiros lugo sen mordazas

Os animais de compañía, como os cans, fai tempo que se incorporaron á normalidade das nosas cidades, desfrutando moitos e moitas da súa compañía e eles da nosa.

Isto ninguén o poñería en dúbida, pero as institucións parecen ir anos por detrás, e mostra disto era o Concello de Lugo que coa «Ordenanza Cívica» quería multarnos con ata 750 euros por dar de beber nas fontes aos nosos compañeiros. Isto en pleno verán e olas de calor (por sorte paramos a ordenanza).

Continue reading «Instalamos bebedoiros para a convivencia cos animais fronte ás multas»

Comunicado: continuación de LSM, porque aínda queda moito por facer

Lugo Sen Mordazas naceu un 15 de Maio de 2018 ao calor de máis de 30 colectivos sociais, culturais e políticos (tamén individualidades) como forma de resposta ao goberno local do PSOE, no seu intento de impoñer en Lugo unha “Ordenanza Cívica” co apoio do Partido Popular e Ciudadanos, rebautizada como “Ordenanza Mordaza”, polas súas similitudes á Lei Mordaza aprobada polo Partido Popular en 2015.

Esta ordenanza pretendía restrinxir o uso do espazo público, estigmatizar e perseguir aos sectores máis vulnerables e censurar a actividade dos movementos sociais e políticos a través da represión e as multas administrativas, outorgándolle un poder totalmente arbitrario á policía local.

Continue reading «Comunicado: continuación de LSM, porque aínda queda moito por facer»

Unha vitoria: o Pleno rexeita por maioría a Ordenanza Mordaza

pleno ordenanza civica mordaza lugo

Hoxe ocupamos de novo o Pleno. Desta vez para rexeitar o intento do PP de continuar coa Ordenanza Mordaza.

Dende Lugo Sen Mordazas vimos de concentrarnos ante o Concello para lembrarlle ó goberno local que seguimos organizadas e expectantes ante calquera intento de impoñer mordazas á cidade de Lugo. O PP levou hoxe ó pleno a proposta de continuar a tramitación da “ordenanza cívica” presentada polo Concello hai seis meses e que contaba co apoio de Cs. A alcaldesa declarou o 10 de outubro, dúas semanas despois da manifestación convocada por Lugo Sen Mordazas, a retirada do proxecto de ordenanza. Tanto PSOE como C’s votaron en contra (o voto a favor dun deles e a abstención do outro abondaría para que a tramitación seguise adiante), poñendo fin, cando menos durante esta lexislatura, ó proxecto de aprobar unha ordenanza de corte represor e excluínte.

Continue reading «Unha vitoria: o Pleno rexeita por maioría a Ordenanza Mordaza»