A Renda Básica das Iguais, máis aló do Ingreso Mínimo Vital

Unha opción anticapitalista e feminista

Algunha vez te preguntaches que farías ti se cobraras unha renda básica? Para a maioría das persoas a vida cambiaría radicalmente. Sobre todo para as desbotadas por un sistema económico que favorece a uns poucos mentres afoga á maioría e que resulta insustentable, tanto social como ecoloxicamente. Continue reading «A Renda Básica das Iguais, máis aló do Ingreso Mínimo Vital»

III Xornadas Lugo Sen Mordazas [Marzo ’20]

Preservar a comunidade: dereitos, alternativas de convivencia e saúde

En marzo celebraremos o terceiro ciclo de xornadas de Lugo Sen Mordazas. As conferencias dos martes serán no salón de actos do I.E.S. Lucus Augusti e a xornada do sábado, con festa incluída, será no C.S.A. Vagalume (rúas das Nóreas, 5). Descrición das charlas a continuación do cartaz.

Programa: Continue reading «III Xornadas Lugo Sen Mordazas [Marzo ’20]»

Un novo centro social en Lugo: do plano á realidade [Sábado 11 Xaneiro 19:30]

🏠 Un novo centro social autoxestionado en Lugo: do plano á realidade (II Fase ⬇️):

Tras a primeira fase de debate e consenso na asemblea do pasado mes de xullo, este sábado día 11 ás 19:30 pasamos á comezar a facer realidade un desexo de múltiples xentes, colectivo e veciñas de Lugo que nos atopamos nesa primeira reunión 👩‍👩‍👦‍👦: a creación dun novo espazo multidisciplinar, onde organizar actividades de todo tipo, aberto e comunitario, sen trabas burocráticas e cheo de actividades; dende formación, charlas, arte, ocio, música, locais de ensaio e ata, quen sabe, a posibilidade dun ximnasio 🥁🎬🎨👩‍🏫

🤝 Da potencialidade desta construción depende o compromiso de traballo que sairá desta reunión e do número de xente disposta á busca dese espazo que tan necesario se presta na nosa cidade.

🗣 Esta reunión de traballo, dividida en diferentes fases, terá unha duración aproximada de 1 hora e 50 minutos e estará dinamizada por unha persoa moderadora para mellorar a efectividade e a busca do consenso.

As compañeiras do Vagalume C.S-C.A. cederanos o seu espazo, que se atopa na Rúa Nóreas, número 5.

📩 As persoas interesadas en acudir, e na medida do posible, confirmade ao email lugosenmordazas@riseup.net

Así mesmo, se queres resolver algunha dúbida antes de acudir, non teñas reparo en contactarnos.

#NinguénInvisibleEnLugo, denuncia contra a pobreza

Lugo é a terceira cidade do Estado na que máis porcentaxe de vivendas baleiras hai e tan só conta con un albergue malchamado “Fogar do Transeúnte” de 16 prazas para homes e 4 para mulleres para dar aloxamento en situacións de emerxencia a 20 persoas en total, que deben cruzar a cidade para recoller o seu bono na Comisaría da Policía Local para poder pernoitar e comer no dispositivo. A estadía máxima é de tres días ao mes, tempo no que ningunha persoa pode procurar un teito baixo o que resgardarse, agás o dun caixeiro automático ou soportal. Apenas dous pisos de emerxencia e, con sorte, o pago de quince días nun motel da cidade, se se cumpren os criterios da traballadora social de zona, que por moito que queira, non pode ofrecer nada máis, cunha axenda programada para oito usuarias por mañá, nuns Servizos Sociais municipais insuficientes e colapsados.

Continue reading «#NinguénInvisibleEnLugo, denuncia contra a pobreza»

Alternativa aos locais baleiros das Institucións: un centro social autoxestionado

Diversos colectivos e asociacións de Lugo, co movemento social “Lugo Sen Mordazas” como nexo de unión e aglutinador de sinerxias, que estas individualidades e colectivos levan tempo procurando nos eidos cultural e social neste cidade, andamos na procura dun novidoso proxecto que sería de interese público para a nosa vila: a construcción dun centro social e cultural autoxestionado.

Continue reading «Alternativa aos locais baleiros das Institucións: un centro social autoxestionado»

Comunicado perante á entrega de medallas a exalcaldes de Lugo

O presente manifesto está elaborado conxuntamente por distintas asociacións culturais e colectivos sociais do municipio de Lugo para amosar o seu rexeitamento contra a entrega de medallas de ouro aos alcaldes que tivo a cidade dende a Transición, por incluir entre esas condecoracións municipais a rexedores que se atopan investigados por corrupción ou que foron condenados de xeito firme.
Continue reading «Comunicado perante á entrega de medallas a exalcaldes de Lugo»

Magosto popular [CANCELADO]

Cancélase polas condicións climáticas.
Ven o frío! Winter is coming…! E que mellor forma de quentarse que comendo castañas e bailando. Este venres, a partir das 19h., magosto popular no fondo da Praza Maior (por onde o Círculo das Artes). En caso de choiva nos soportais do Concello.