Un novo centro social autoxestionado en Lugo?

É necesario un novo centro social en Lugo? Que tipo de centro social queremos? Cal é a mellor fórmula de xestión para a participación da veciñanza e colectivos? Como fomentar a cultura dende abaixo?… Que sabemos doutras experiencias?

Estamos preparadxs para transformar este plano en realidade?

Participa, acode coa túa idea, colectivo e construamos.

Martes 16 de Xullo ás 20h. na Despensa Do Saa (Salvador Madariaga, 8)

Cine ao aire libre ’19

Retomamos unha das nosas actividades máis celebradas do ano pasado: o cinema de verán ao aire libre. Vemos na recuperación e creación de actividades sociais e culturais nos espazos comúns como a forma necesaria de tecer comunidade entre as veciñas de Lugo, creando e fortalecendo lazos e redes de apoio. Modelo fronte ao ocio encamiñado ao consumo, onde as terrazas de bares e restaurantes expándense cada vez máis case como forma única de ocio nos cascos históricos, e que representa unha idea da cidade economicista e planificada cada vez máis para o turismo.

Continue reading “Cine ao aire libre ’19”

II ciclo de xornadas LSM: A autoxestión é posible [Abril-Maio programa completo]

A Autoxestión é posible: outros modelos de comunicación, convivencia e alimentación.

Debaixo do cartel sinopse das charlas. Para as persoas xordas, e co fin de facilitar a accesibilidade, se estás interesadx en vir ponte en contacto con nós a través do email lugosenmordazas@riseup.net

Xornadas Lugo Sen Mordazas

Link para descargar o cartel en alta calidade e link para os dípticos

Continue reading “II ciclo de xornadas LSM: A autoxestión é posible [Abril-Maio programa completo]”

CICLO DE XORNADAS: Por Unha Cidade Viva e Inclusiva [Sábados 24Nov e 1Dec]

xornadas lugo sen mordazas

I Xornadas: Tecendo comunidade: alternativas e loita social fronte á represión e privatización.

Os vindeiros Sábados 24 de Novembro e 1 de Decembro terá lugar o primeiro ciclo de xornadas de Lugo Sen Mordazas, un espazo de debate e reflexión onde se abordarán diferentes cuestións que xirarán ao redor de que modelo de cidade queremos construír, partindo da necesidade de tecer un novo modelo de comunidade a través da transformación social. Para estas xornadas contaremos con persoas da nosa cidade, ademais de poñentes e colectivos que achegarán o seu punto de vista dende diferentes puntos xeográficos, palpando outras realidades.

Continue reading “CICLO DE XORNADAS: Por Unha Cidade Viva e Inclusiva [Sábados 24Nov e 1Dec]”

Celebramos o VII San Froilán Asociativo o 6 de Outubro

san froilán asociativo 2018
Dende Lugo Sen Mordazas, como non podía ser doutro xeito, sumámonos ao San Froilán Asociativo ’18!
 
Un San Froilán Asociativo que colectivos e asociacións de Lugo levan xuntándose por 7º ano consecutivo:
 

Estamos en Festas, as nosas festas de toda a vida, as do San Froilán que deben ter cerca de 270 anos! As festas nas que a xente de toda a provincia viña a comerciar no Campo da Feira, mais tamén e de paso, a divertirse, a bailar, a comer polbo.

Continue reading “Celebramos o VII San Froilán Asociativo o 6 de Outubro”

Concerto sen mordazas con Conducto Coloquio

conducto coloquio lugo sen mordazas

A música e a cultura local van da man dun Lugo sen mordazas. Mostra diso dará o grupo Conducto Coloquio que volverá o Xoves 4 de Outubro ao Club Clavicémbalo cun concerto especial para amosar o seu apoio á plataforma porque “queren unha cidade onde non se criminalice a cultura nin a pobreza”.

Será unha noite especial, pois ademais estarán acompañados pola gran voz de Mar López Alvariño

Todo o recadado coa venda de entradas será doado a Lugo Sen Mordazas, así que acode para pasar un bo anaco, desfrutar da boa música dos compañeiros e colaborar coa causa!

Entrada:
Anticipada: 4€ (punto de venda: Ho Gruf)
Taquilla: 5€

Contacontos

Contacontos Lugo Sen Mordazas

Pequeno espectáculo para todxs, de aproximadamente 1 hora de duración, onde a través dunha mesa e unha maleta aparecen catro historias e catro narradores moi especiais.

Será O Polbo Aurelio quen nos mergullará no fondo do mar para narrar as aventuras de Nadarín de Leo Lioni para danos a forza do grupo.

A fada de Tarambaina aparecerá en busca dos seus tres gatitos. Será que os atopará coa axuda dos seus amigos e amigas?
(Este tipo de historia de mesa axuda a facer imaxes mentais da historia. Todas as personaxes están feitos a man e os elementos que acompañan son tecidos e materiais naturais).

Á porta dun monumento agárdoche con ES TI, unha fermosa historia onde aprendemos a recoñecernos.

E, finalmente, unha historia para adultos e nenxs, onde necesitamos a colaboración de varios dxs asistentes para converterse en monicreques e representar, nin máis nin menos, a primeira vez que xogaron agochadxs na terra.

IV Cine ao aire libre con dúas curtametraxes

Seguimos co ciclo de cine ao aire libre construíndo e tecendo comunidade a través da cultura, crendo nesta como un dereito universal e promovendo formas de ocio saudables e enriquecedoras, fronte á mercantilización imperante da sociedade actual.

Traballando colectivamente e aprendéndonos a nós mesmas a través da séptima arte, nesta ocasión con dúas curtametraxes, “A illa das flores” e “Binta e a gran idea”.

Porque non é o mesmo velo na soidade do teu sofá que acompañadx, acode!

Para todos os públicos. Martes 4 ás 21:45.

Última actualización: debido ás previsións de choiva levarase a cabo no C.S. Mádia Leva (Rúa Serra dos Ancares, nº18).