Que é a xentrificación

Xentrificación (aburguesamento, elitización) é o nome que se da en determinados procesos de transformación urbana polos que zonas estratéxicas dunha cidade aumentan artificialmente o seu valor provocando o desplazamento da poboación económicamente vulnerable. Para este grupo a vivenda deixa de ser accesible na área revalorizada (neste caso a Tinería). Son progresivamente empuxados hacia as periferias ou zoas deprimidas, incapaces de seguir pagando polo seu dereito á cidade. A urbanización que lle sigue, orientada ao consumo de espazos desconflictivizados, provocan a estandarización da paisaxe, a pérdida da memoria barrial e a ruptura do texido social.

Continuar leyendo «Que é a xentrificación»

Sobre as coaccións ás veciñas da Tinería e a hipocresía dos empresarios

Este Luns denunciouse dende a Plataforma de Lugo Sen Mordazas, conformada por máis de 30 colectivos sociais, políticos, sindicais e culturais, a situación de abusos e coaccións que están a sufrir as históricas veciñas do barrio da Tinería que ofrecen servizos sexuais, xa de por si estigmatizadas pola sociedade e que buscan sobrevivir dentro dun precario ou ausente mundo laboral, fronte aos privilexios de quen as presiona e maltrata: parte do empresariado e as institucións actuais.

Como chegamos a dar conta desta situación?

Continuar leyendo «Sobre as coaccións ás veciñas da Tinería e a hipocresía dos empresarios»

Opinión: La Voz de Galicia e a hipocresía do «machismo»

Artigo de opinión do colectivo Translurpies

Lugo Sen Mordazas é unha plataforma que inclúe, nas súas bases, plantexamentos antirracistas e antipatriarcais. Tendo esto en conta, entendemos como unha manipulación aproveitarse das premisas da loita feminista para mostrar unha versión distorsionada da realidade que, por outra banda, mostra sesgos racistas e clasistas.

La Voz de Galicia publicaba, o pasado sábado 7 de xullo, un artigo no que describía unha situación sexista ocorrida entre un “gorrilla” e unha axente da policía local, no que o primeiro lle decía que a el non lle toca ningunha muller policía.

Continuar leyendo «Opinión: La Voz de Galicia e a hipocresía do «machismo»»

Manifesto en apoio ás veciñas da Tinería

A Plataforma Lugo Sen Mordazas leva presente no barrio da Tinería semanas para amosar o seu apoio á un grupo de veciñas deste barrio especialmente vulnerable: as mulleres que ofrecen servizos sexuais na contorna do mesmo, que están a ser criminalizadas pola estratexias represoras deste Goberno municipal que pretende utilizar o dereito administrativo sancionador como ferramenta de control social, outorgando maiores cotas de poder a asociacións de empresarios con intereses lucrativos na zona, que á propia veciñanza que leva anos residindo neste histórico barrio.

É por iso que antes do inicio da asemblea semanal de Lugo Sen Mordazas leuse un comunicado denunciando esta situación elaborado conxuntamente con elas.

Aquí a lectura do manifesto (acceso ao texto).

 

Crónica do Festival Incívico

Dende a Plataforma Lugo Sen Mordazas vimos de celebrar a primeira edición do Festivial Incívico, onde se levaron a cabo diversas actividades que coa nova «Ordenanza Mordaza» pasarían a ser sancionadas dende os 750 euros ata os 3.000 euros. Deste xeito, dende Lugo Sen Mordazas, non só se protestous contra esta ordenanza, senón que se quixo poñer en valor a necesidade de recuperar o espazo público e as rúas, facéndoas de todxs e para todxs, como forma de entender unha nova convivencia que recupera ao tempo cousas do pasado.

Aquí deixámosvos a videocrónica do festival

I Festival Incívico o Sábado 30 de Xuño!

Celebramos a primeira edición do «Festival Incívico» ❕❕
A policía moral chegou a Lugo , pero nós non imos quedar paradxs, e é por iso que organizamos a primeira edición deste festival onde seremos todxs moi «incívicos».
O programa que verás a continuación pode ser a úiltima vez que sexa de balde, así que aproveita! Xa que moitas destas actividades pasarán a ser sancionadas dende os 750€ ata os 3.000€ de aprobarse a Ordenanza de Seguridade e Civismo proposta polo PSOE e apoiada por PP e Ciudadanos, coñecida xa como a «Ordenanza Mordaza» ????

Continuar leyendo «I Festival Incívico o Sábado 30 de Xuño!»

Crónica de Rodea O Concello

«Fútbol na rúa, antes que na tele», foi un dos lemas que se escoitaron durante a concentración de Rodea O Concello en alusión ás multas que queren impoñer por xogar na rúa e á coincidencia no día de hoxe co mundial, pese ao cal reuníronse ao redor de 200 persoas contra a «Ordenanza Mordaza»; portando carteis, con esparadrapo na boca a modo simbólico e con cacerolada incluída.

Ao finalizar a concentración leuse o seguinte comunicado e anunciouse a celebración do «Festival Incívico» que terá lugar o Sábado 30 de Xuño durante todo o día na Praza Maior. Nos vindeiros días subiremos o programa coas actividades, moitas das cales pasarían a ser sancionadas de aprobarse esta ordenanza.

Comunicado:

Continuar leyendo «Crónica de Rodea O Concello»

Campaña de locais libres de mordazas

Dende a Plataforma Lugo Sen Mordazas iniciamos unha campaña dirixida ao pequeno comercio e aos locais de hostalaría, para que os pequenos empresarios e autónomos que queiran desmarcarse do discurso reaccionario e discriminatorio de certos “lobbies” empresariais da cidade poidan facelo e expresar libremente a súa postura en contra deste texto normativo que propón o PSOE e apoian PP e Ciudadanos. Poñemos a disposición de toda a xente un cartaz anti-mordaza co seguinte lema “Este espazo non apoia a ordenanza mordaza. Por un Lugo vivo e diverso”, que repartiremos físicamente ademais de ofrecelo para que calquera que o desexe o poida descargar e expoñelo no escaparate do seu negocio (material para descargar).

Os colectivos que conformamos Lugo Sen Mordazas consideramos que os membros das patronais e asociacións veciñais que se uniron no «Observatorio de Empresarios y Vecinos por la Seguridad Ciudadana y Servicios», e que se están adicando a presionar para que dende o Concello de Lugo se aplique a “man dura” sobre as persoas con menos recursos ou en risco de exclusión, ou simplemente contra calquera que opte por un xeito alternativo de vida ou faga uso do seu dereito de protesta ou expresión cultural; arrogáronse a potestade de representar a todo o sector comercial e de servizos da cidade, cando hai unha grande parte dos autónomos e dos donos e donas de moitos negocios que non comparten ese punto de vista.

Por iso Lugo Sen Mordazas lanza esta campaña en positivo, para darlle a oportunidade á parte deste sector económico que é inclusiva e solidaria de dar a coñecer a súa oposición á Ordenanza Mordaza e colaborar co traballo da Plataforma. Os establecementos que queiran tamén poden descargar a folla de sinaturas e publicitarse na web de Lugo Sen Mordazas como punto de recollida das mesmas, así como imprimir o folleto informativo que explica as sancións e repartirlo no seu local.

El Progreso e a súa dobre vara de medir: inocencia ou premeditación

É indudidable que os mass media ou medios de información de masas conforman a opinión da sociedade, así que como detrás destes o seu accionariado está composto por grandes fondos de inversión, a banca ou grandes magnates, que cada vez acumúlanse en menos mans.

O diario El Progreso é o máis lido en Lugo, polo que é clave á hora de entender en como se conforma o ideario da xente. Aquí temos unha comparativa de como tratou o mesmo tema segundo o posicionamento fose a favor ou contrario da Ordenanza Cívica:

El Progreso manipulacion diario lugo
Comparativa noticias do Progreso (clic na imaxe para ampliar)

Á esquerda adica a páxina completa un artigo a favor da Ordenanza a través da testemuña dun par de persoas que se erixen representantes dunha maioría da poboación lucense, que especialmente proveñen do mundo empresarial como José María Seijas, Presidente de la «Federación de Comercio» e á súa vez portavoz do «Observatorio de Empresarios y Vecinos por la Seguridad Ciudadana», ou o Presidente da «Asociación Provincial de Hostelería», Cheché Real.

Á dereita, nun pequeno recadro, a cobertura que lle deron á concentración de onte que rexeitaba a ordenanza, que nin ocupou un cuarto de carilla dunha páxina. A descripción, un brevísimo parágrafo, e a fotografía seleccionada, unha na que sae só unha persoa, pese a reunir ao redor dun centenar de persoas na rúa dunha plataforma conformada por máis de 30 colectivos sociais, políticos, sindicais e culturais, ademais de individualidades (abaixo desta, unha fotografía do mesmo día).

O dereito á información está consagrado no artigo 19 da Declaración Universal de Dereitos Humanos de 1948.

Estamos segur@s de estar ben informad@s?

* El Progreso recibe una gran cantidade de subvencións e fondos públicos, tamén de forma indirecta a través da publicidade institucional do Concello de Lugo, gobernado agora mesmo polo PSOE que foi quen redactou o proxecto da «Ordenanza Cívica».

La Voz de Galicia manipula: non á reforma, si á retirada.

La Voz de Galicia manipula afirmando que Lugo Sen Mordazas (LSM) busca «redactar de novo o proxecto da Ordenanza Cívica».

la voz de galicia manipulacion lugo sen mordazas
Clic para ampliar

Dende LSM enviouse unha nota de prensa dunha carilla e media clara ao respecto, ademais do noso posicionamento dende o principio do que teñen constancia, que é a retirada total da «Ordenanza Mordaza».

Pasamos a copiar os fragmentos do último comunicado de Lugo Sen Mordazas que acompañaba a esta primeira concentración que, por certo, foi un éxito:

«Lugo Sen Mordazas non acepta a posibilidade de reformar o texto para «suavizar” os puntos máis polémicos» (…) Para os problemas de deterioro do patrimonio, coidado do espazo público e outros aspectos da convivencia no termo municipal existen ordenanzas suficientes que xa regulan e sancionan comportamentos incívicos de xeito máis proporcionado, como a Ordenanza de Medio Ambiente, polo que unha Ordenanza que invade competencias doutras administracións e mesmo é contraria á lexislación superior vixente e aos dereitos civís é totalmente innecesaria, ademais de ilegal.»

* La Voz de Galicia recibe unha gran cantidade de subvencións das administracións de forma directa, e tamén indirecta a través da publicidade institucional. Está ao servizo dos Gobernos do PSOE e do Partido Popular e serve aos grandes empresarios.